माघ १ गते खाल्टेको फ्याक्सेमा हास्यकलाकार बले आउने

धादिङ,२९ पुस ।
माध १ गते धादिङको नीलकण्ठ नगरपालिका वडा नम्बर ५ खाल्टे फ्याक्सेमा हास्य कलाकार सागर लम्साल(बले) आउनुहुने भएको छ । प्रत्येक बर्ष माघे संक्रान्तिको दिन चमेर गुफा संरक्षण समाजले गोरु जुधाई प्रतियोगता सहित सांस्कृतिक कार्यक्रम सन्चालन गर्दै आईरहेको छ । स्थानीय उत्पादन हाम्रो पहिचान,कला संस्कृति बचाउने हाम्रो अभियान भन्ने नाराको साथ प्रत्येक बर्ष फ्याक्सेमा विभिन्न कार्यक्रम हुदै आएको चमेर गुफा संरक्षण समाजका सचिव क्षितीज श्रेष्ठले जानकारी दिनुभयो ।

कार्यक्रममा गोरु जुधाई प्रतियोगिता सँगै,लाखे नाच,हास्यकलाकार सागर लम्साल(बले) दिक्षा ठकुरी र कृष्ण प्रसाद गौतमको प्रस्तुती पनि रहेन श्रेष्ठले नीलकण्ठ एफएमलाई जानकारी दिनुभयो । कार्यक्रममा उखुबाट बनेको परिकारहरुको विक्रि वितरण हुनेछ ।कार्यक्रम अवलोकन गर्नको लागि आयोजकहरुले सम्पुर्णमा हार्दिक अनुरोध गरेको छ ।