शितल छहारी नेपालद्वारा महेन्द्र बाराहिका बालबालिकालाई स्टेशनरी सहित स्कुल ब्याग बितरण

धादिङ २६,मंसिर
शितल छहारी नेपालद्वारा नेत्रावती डवजोङ गाउँपालिका वडा न ५ मा रहेको महेन्द्र बाराहि माध्यमिक विद्यालयका बालबालिकालाई स्टेशनरी सहित स्कुल ब्याग बितरण गरिएको छ ।लायन्स क्लव अफ काठमाण्डौ जुपिटरको सहयोगमा महेन्द्र बाराहि मावि कटुन्जेमा अध्ययनरत ५२ जना आर्थिक अवस्था कमजोर भएका बालबालिकाहरुलाई उक्त सहयोग सामाग्री एक कार्यक्रमको बिच हस्तान्तरण गरिएको हो ।

सहयोग समाग्री हस्तान्तरण समारोहमा शितल छहारी नेपालका अध्यक्ष कृष्ण बद्री पौडल, लायन्स क्लव अफ काठमाण्डौ जुपिटरका बालकृष्ण नेपाली, नेपाल निजामती कर्मचारी युनियन धादिङका अध्यक्ष प्रकाश सापकोटा,नेत्रावती डवजोङ गाउँपालिकाका वडा न ५ का वडा अध्यक्ष हरि अधिकारी, समाजसेवी टेकजंग लामा, वडा ३ का वडा सदस्य बिरबहादुर तामाङ, बिद्यालय ब्यवस्थापन समितिका अध्यक्ष डिल बहादुर थापा मगरको आतिथ्यता रहेको थियो ।

शैक्षिक सामाग्री हस्तान्तरण समारोहमा बोल्दै शितल छहारी नेपालका अध्यक्ष कृष्ण बद्री पौडेलले आफ्नो संस्था शितल छहारी नेपालले बिभिन्न बिद्यालयको बालबालिकाहरुलाई सहयोग गर्ने क्रममा महेन्द्र बाराहि बिद्यालयका बालबालिकाहरुलाई सानो सहयोग गरेको बताउनु भयो । उहाँले यसअघि आफु बिद्यालयमा पुगेको बेला केहि सहयोग गर्ने बताएकोले सोही अनुसारको सहयोग सामाग्री हस्तान्तरण गरिएको बताउनु भयो ।

त्यसैगरि कार्यक्रमलाई सम्बोधन गर्दै समाजसेवी टेकजङ लामाले सहयोग भन्ने कुरा सानो ठुलो नहुने भन्दै जागिर निवृत्त भएर समाजसेवामा होमिनुभएका संस्थाका अध्यक्ष कृष्ण बहादुर पोडेललाई समाजसेवामा भेटिनुले आफुहरुले साथी पाएको महशुष भएको बताउनु भयो । उहाँले आगामी दिनमा संस्थाको प्रगतीको कामना गर्दै यस किसिमको सहयोग कार्यक्रम राखेकोमा शितल छहारी संस्थालाई धन्यावाद प्रकट गर्नुभयो ।

कार्यक्रममा बिद्यालयका ब्यवस्थापन समितिका अध्यक्षडिल बहादुर थापा मगरले सहयोगी संस्थालाई धन्यावाद प्रकट गर्नु भएको थियो ।

शितल छहारी नेपालले आज महेन्द्र बाराहि मावि कटुन्जेमा कलम, कापी, भलिबल, स्पेरियङ डारी सहित स्कुल ब्याग लगाएतका स्टेशनरी सामाग्री बितरण गरेको हो । यसअघि पनि शितल छहारी नेपालले उक्त बिद्यालयमा १५ वटा कोठामा पानी पिउनको लागी जार सहितको धारा बितरण गरेको थियो ।