धादिङको त्रिपुरासुन्दरी– ७ खहरेमा मंसिर ९ गते रक्तदान कार्यक्रम हुँदै

धादिङ,०५ मंसिर
त्रिपुरासुन्दरी गाउँपालिका वडा नं ७ खहरेमा मंसिर ९ गते रक्तदान कार्यक्रम हुने भएको छ । नेत्रावती बचत तथा ऋण सहकारी संस्था लिमिटेडको १६ औँ वार्षिक साधारण सभाको अवसरमा खहरे स्थित अचने मा.विको प्राङ्गणमा बृहत खुल्ला रक्तदान कार्यक्रम हुने भएको हो ।

नेत्रावती बचत तथा ऋण सहकारी संस्था लिमिटेडको आयोजना, त्रिपुरासुन्दरी गाउँपालिका वडा नं. ५, र ७ को मुख्य सहयोगमा हुने रक्तदान कार्यक्रममा श्री अचने माध्यमिक विद्यालय, नेत्रावती सामुदायिक बहुमुखी क्याम्पस र लायन्स क्लब अफ काठमाण्डौ ब्लड सर्कलको सहयोग तथा नेपाल रेडक्रस सोसाईटी रक्त सञ्चार सेवा केन्द्र धादिङको प्राविधि सहयोग रहेको छ।

मंसिर ८ गते बिहान १० बजे देखि दिउँसो ४ बजे सम्म रक्तदान कार्यक्रम हुने आयोजकले जनाएको छ । साथै कार्यक्रममा सक्रिय सहभागिताका जनाइ रक्तदान गरी सहयोग गरिदिनहुन आयोजकले अपील समेत गरेको छ।