रामचन्द्र गिरी नेपाल ब्याडमिन्टन संघको केन्द्रिय सदस्यमा निर्वाचित

धादिङबेशी । नेपाल ब्याडमिन्टन संघको केन्द्रिय साधारण सभा तथा अधिबेशन बाट धादिङका रामचन्द्र गिरी केन्द्रय सदस्यमा निर्वाचित भएका छन् ।

मंगलबार काठमाण्डौको नयाँ बानेश्वरमा संस्थाको परिच्छेद २ को दफा ३ को उपदफा ३ बमोजिम भएको निर्वाचन बाट गिरी केन्द्रिय सदस्यमा निर्वाचित भएका हुन् । मुख्य निर्वाचन अधिकृत मिलन ध्वज शाहिले गिरीलाई केन्द्रिय सदस्य भएको प्रमाणपत्र मंगलबार प्रदान गरेका थिए ।

रामचन्द्र गिरी ब्याडमिन्टन खेलका पारखी छन् । उनले धादिङ ब्याडमिन्टन संघको बिभिन्न पदमा बसी महत्वपूर्ण जिम्मेवारी निर्वाह गरिसकेका छन् ।

मंगलबार सम्पन्न नेपाल ब्याडमिन्टन संघको चुनावी साधारण सभा तथा अधिबेशन बाट रामजी बहादुर श्रेष्ठको अध्यक्षतामा नया कार्यसमिति चयन गरेको छ ।