जुवातास खेलिरहेको अवस्थामा धादिङबेशी एमाले चोकबाट नगद सहित ६ जना पक्राउ

धादिङबेशी । जुवातास खेलिरहेको अवस्थामा धादिङबेशी एमालेचोक बाट ६ जना पक्राउ परेका छन् । सोमबार बेलुका अन्दाजी ८ः३० बजेको समयमा जुवातास खेलिरहेको छ भन्ने जानकारी प्राप्त हुने बित्तिकै जिल्ला प्रहरी कार्यालय धादिङको बिशेष टोलीले निजहरुलाई नगद सहित नियन्त्रणमा लिएको हो ।

तास खेलिरहेको स्थान बाट नगद ४२ हजार ८ सय २५ रुपैया नगद सहित ३ बुक तास समेत जफत गरिएको छ । पक्राउ पर्नेहरुमा नीलकण्ठ नगरपालिका वडा न ३ निवासी ईश्वर खतिवडा,भोज बहादुर पौडेल,राम बहादुर गुरुङ,आशिष श्रेष्ठ,सम्राट तामाङ र रावल तामाङ रहेका छन् ।

हाल निजहरुलाई जिल्ला प्रशासन कार्यालय धादिङ बाट ७ दिनको म्याद थप गरि अनुसन्धान भैरहेको जिल्ला प्रहरी कार्यालय धादिङका प्रवक्ता तथा प्रहरी नायव उपरिक्षक सन्तुलाल प्रसाद जैसवारले जानकारी दिनुभयो ।