धादिङका थप १० जनामा डेंगु संक्रमण पुष्टि

धादिङ, २४ असोज ।
धादिङका थप १० जनामा डेंगु संक्रमण पुष्टि भएको छ । बुधबार नीलकण्ठ नगरपालिकाका ४ जना, गजुरीका ४ जना, ज्वालामुखी र त्रिपुरासुन्दरी गाउँपालिकाका १/१ जनामा संक्रमण पुष्टि भएको स्वास्थ्य कार्यालय धादिङले जनाएको छ ।

यो सँगै धादिङमा डेंगु संक्रमित हुनेको संख्या ३२ सय ९३ पुगेको छ । जसमध्ये १७ सय ६ जना महिला र १५ सय ८७ जना पुरुष रहेका छन् । स्वास्थ्य कार्यालय धादिङका अनुसार कुल संक्रमित मध्ये २६ सय ५३ जना नीलकण्ठ नगरपालिकामा मात्रै रहेका छन् ।