धादिङमा मंगलबार ११ जनामा डेंगु संक्रमण

धादिङ,०९ असोज ।
धादिङका थप ११ जनामा डेंगु संक्रमण पुष्टि भएको छ । मंगलबार बेनीघाट रोराङ गाउँपालिकाका ५ जना, नीलकण्ठ नगरपालिकाका ४ जना, सिद्धलेक र रुवीभ्यालीका १/१ जनामा संक्रमण पुष्टि भएको हो ।

स्वास्थ्य कार्यालय धादिङको तथ्याङक अनुसार हालसम्म धादिङका ३१ सय ४१ जना डेंगु संक्रमित भइसकेका छन् । जसमा १६ सय २३ जना महिला र १५ सय १८ जना पुरुष रहेका छन् । कुल संक्रमित मध्ये नीलकण्ठ नगरपालिका मात्रै २५ सय ८३ संक्रमित रहेका छन् ।

त्यसैगरीे ज्वालामुखी गाउँपालिकामा १३८ जना, सिद्धलेकमा ११७ जना, बेनीघाट रोराङमा ८१ जना, त्रिपुरासुन्दरीमा ६७ जना, गजुरीमा ३४ जना, गंगाजमुनामा २७ जना, खनियावासमा २० जना, रुवीभ्यालीमा १९ जना, नेत्रावती डबजोङमा १७ जना, धुनीबेशीमा १३ जना, गल्छीमा ११ जना, र थाक्रे गाउँपालिकामा १ जना संक्रमित रहेका छन् ।