युरोप भ्रमणमा रहनु भएका मेयर भीम प्रसाद ढुंगानालाई बेल्जियममा सम्मान

धादिङ,२८ भदौ

युरोप भ्रमणमा रहनुभएका नीलकण्ठ नगरपालिकाका नगर प्रमुख तथा नगरपालिका संघका केन्द्रिय अध्यक्ष भीम प्रसाद ढुंगानालाई बेल्जियममा सम्मान गरीएको छ । धादिङ समाज बेल्जियमको आयोजनामा युरोप भ्रमणमा रहनुभएका मेयर ढुंगानालाई बेल्जियम स्थित आर्शिवाद रेष्टुरेन्टमा एक कार्यक्रमका बीच सम्मान गरीएको हो ।

धादिङ समाज बेल्जियका उपाध्यक्ष जय तामाङको अध्यक्षतामा सम्पन्न भएको कार्यक्रममा धादिङबाट बेल्जियमा बसोबास गर्ने धादिङबासीहरुको उपस्थिती रहेको थियो । स्वागत मन्तव्य कविता दाहाल सिंखडाले राख्नुभएको थियो ।  धादिङ समाज बेल्जियममा महासचिव हरि सिंखडाले सन्चालन गर्नुभएको कार्यक्रममा अन्तराष्ट्रिय धादिङ समाजका उपाध्यक्ष तथा एनआरएनए बेल्जियमका उपाध्यक्ष काशी दनैले आफ्नो मन्तव्य राख्नुभएको थियो ।

नीलकण्ठ नगरपालिकाका नगर प्रमुख भीम प्रसाद ढुंगानालाई स्वागत गर्नुहुदै काशी दनैले धादिङको विकासको लागि खेलेको भुमिका प्रति प्रशंसा गर्दै आगामी दिनमा पनि यस्तै काम गर्नको लागि आग्रह गर्नुभएको थियो । कार्यक्रममा मेयर ढुंगानाले विभिन्न पेशा तथा व्यवसाय गर्ने धादिङ्गेलीले आफ्नो जन्मभुमि प्रति केहिन केहि सकारात्मक काम गर्नको लागि आग्रह गर्नुभएको थियो ।

नीलकण्ठ नगरपालिकाको विकासमा पनि सहकार्य गरेर आफु काम गर्न प्रतिबद्ध रहेको स्पष्ट पार्नुभएको छ । नगरबासीहरुको सेवा गर्नको लागी आफु मेयर भएको भन्दै उहाँले विभिन्न दातृ निकायसँग समन्वय गरेर विकास निर्माण काम भईरहेको बताउनुभएको थियो ।