निजामती सेवा दिवसको अवसरमा २६ जनाद्धारा रक्तदान

धादिङ, २१ भाद्र ।
निजामती सेवा दिवसको अवसरमा आयोजित बृहत खुल्ला रक्तदान सम्पन्न भएको छ । कर्मचारी मिलन केन्द्र धादिङको आयोजनामा भएको रक्तदान कार्यक्रममा २६ जनाले रक्तदान गरेका छन् ।

बिहान ७ बजेदेखि १० बजेसम्म कर्मचारी मिलन केन्दै परिसरमा भएको रक्तदानमा २२ जना पुरुष र ४ जना महिलाले रक्तदान गरेका हुन् । रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।

जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।