मुग्लिन पुलमा झुण्डिएका धादिङका कृष्ण परियारको सकुशल उद्धार

धादिङ,०२ भाद्र ।
चितवन र तनहुँ जोड्ने मुग्लिन पुलमा झुन्डिएका धादिङको नीलकण्ठ नगरपालिका– ६ का ४५ वर्षका कृष्ण परियारको सकुशल उद्धार गरिएको छ ।

शनिबार बिहान परियार पुलमा झुण्डिएका खबर पाएपछि सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारको ११ जनाको टोलीले रोप रेस्क्यु विधिबाट जीवितै उद्धार गरेको हो ।

उनी पुलमा झुण्डिनुको कारण भने नखुलेको सशस्त्र प्रहरी बलले जनाएको छ । परियारको हाल मुग्लिनस्थित हाइवे अस्पतालमा उपचार भइरहेको सशस्त्र प्रहरी बलका डीएसपी शैलेन्द्र थापाले जानकारी दिनुभयो ।
फाइल तस्विर