निमार्णधिन जिल्ला खेलकुद विकास समितिको भवन परिसरमा बृक्षारोपण

धादिङ,१८ साउन ।
निमार्णधिन जिल्ला खेलकुद विकास समिति धादिङको भवन परिसरमा बिहिबार बिहान बृक्षारोपण गरीएको छ ।जिल्ला खेलकुद विकास समिति धादिङको आयोजना र रोटरी क्लब अफ धादिङको सहयोगमा वृक्षारोपण गरिएको जिल्ला खेलकुद विकास समिति धादिङका अध्यक्ष प्रताप सिं तामाङ बताउनुभयो ।हरियाली प्रबद्र्धन गर्ने उदेश्य र भवनको शोभा बढाउनको लागि बृक्षारोण गरीएको अध्यक्ष तामाङले नीलकण्ठ एफएमलाई जानकारी दिनुभयो । निर्माणधिन भवनको परिसरमा आँपको बोट १० वटा , लिचीको १० वटा र सौन्दर्य मुलक विरुवा ३० वटा रोपिएको हो ।

वृक्षारोपण कार्यक्रममा नेकपा माओवादी केन्द्रका धादिङका जिल्ला संयोजक मनराज भण्डारी,नीलकण्ठ नगरपालिका वडा नं. ३ का अध्यक्ष राजकुमार श्रेष्ठ,जिल्ला खेलकुद विकास समितिका अध्यक्ष प्रताप सिंह तामाङ, रोटरी क्लव अफ धादिङका अध्यक्ष नविनकुमार श्रेष्ठ, पूर्व अध्यक्ष अशोककुमार बस्नेत,रोहित भण्डारी, जिल्ला व्यडमिण्टन संघ धादिङका अध्यक्ष विष्णुलाल श्रेष्ठ लगायतको सहभागिता रहेको थियो ।