धादिङबेशी सुगमटोल शेराहा कान्लामा बृक्षारोपण

धादिङ । नीलकण्ठ नगरपालिका वडा नम्बर ३ सुगमटोल स्थित शेराहा कान्ला आसपासमा वृक्षारोपण गरिएको छ । क्रियापुत्री भवन समेत रहेको उक्त स्थान आसपासमा आज वृक्षारोपण गरिएको हो ।

धुपी, निमारो, तेजपात, निम, कफी, कल्की फुल, रुख कटहर, अम्वा, चाँपका विरुवाहरु लगाईको छ । वेल, हाडे ओखर, कपुर, विभिन्न जातका फुलहरु स्थानीय टोलवासीहरु आफैले ल्याई लगाएको सुगमटोल सुधार समितिका अध्यक्ष राजकुमार श्रेष्ठले बताउनु भयो ।

वृक्षारोपण कार्यक्रममा नीलकण्ठ नगरपालिकाका उपप्रमुख दिपक विश्वकर्मा, वडा नं ३ का वडा अध्यक्ष राजकुमार श्रेष्ठ, टोल विकास संस्था महासंघका अध्यक्ष तथा पदाधिकारीहरु, विभिन्न टोल विकास संस्थाका सदस्यहरु, सुगमटोल सुधार समितिका सदस्यहरु लगाएतको सहभागीता रहेको थियो ।

डिभिजन वन कार्यालय धादिङको विरुवा सहयोगमा बृक्षारोपण गरिएको थियो । बृक्षारोपण कार्यक्रमलाई सम्बोधन गर्दै नीलकण्ठ नगरपालिकाका उप मेयर दिपक बिश्वकर्मा तथा नीलकण्ठ नगरपालिका वडा न ३ का वडा अध्यक्ष राज कुमार श्रेष्ठले उक्त स्थानको बिकास र संरक्षणको लागी आफुहरु प्रतिवद्ध रहेको बताउनु भयो ।