त्रिपुरासुन्दरी गाउँपालिका सम्म पुग्ने मोटरबाटोको कालोपत्रे गर्ने कार्य सुरु

धादिङ,२० चैत 
धादिङको त्रिपुरासुन्दरी गाउँपालिकामा सडक कालोपत्रे गर्ने कार्य सुरु भएको छ । गाउँपालिका चोक देखि सित्तल बजार,टारीवेशी पुल देखी गाउँपालिका चोक र पानीट्यांकी चोक देखी कोषढुंगा सडक कालोपत्रे गर्ने कार्य सुरु भएको हो ।

निर्माणधीन सडकको त्रिपुरासुन्दरी गाउँपालिका अध्यक्ष राजु उप्रेतीले गाउँपालिका अन्तर्गतका विभिन्न सडखण्डको सडक कालोपत्रे गर्ने कार्यको स्थलगत निरिक्षण गर्नुभएको छ ।

प्रदेश तथा सङ्घीय सरकार र गाउँपालिकाको साझेदारी बजेटबाट निर्माणाधीन सडकको अध्यक्ष उप्रेतीले स्थलगत अनुगमन गर्नुभएको हो ।
निरिक्षणको क्रममा गाउँपालिका अध्यक्ष उप्रेतीले निर्माण सामाग्रीको गुणस्तरमा कुनै कमि हुन नदिन आग्रह गर्नुभएको छ ।

उहाँले निर्माण कार्यलाई निर्धारित समयमा नै पुरा गर्न सम्बन्धित पक्षलाई आवश्यक निर्देशन समेत दिनुभएको छ ।