मार्पाक सामुदायिक क्लबको अध्यक्षमा शिव कार्की चयन

धादिङ,११ चैत ।
मार्पाक सामुदायिक क्लबको पाचौ अधिबेशन काठमाण्डौमा नयाँ कार्यसमिति चयन गर्दै सम्पन्न भएको छ ।
क्लबको नयाँ कार्यसमितिको अध्यक्षमा शिव कार्की चयन हुनुभएको छ भने बरिष्ठ उपाध्यक्षमा कल्पना बरुवाल, उपाध्यक्षहरुमा उरुषा अधिकारी र बिक्रम तामाङ्ग, महासचिब भने पछि मनोनयन गरिने भएको छ । त्यसैगरि नयाँ कार्यसमितिको सचिबहरुमा अदिप अधिकारी र हरिशरण पन्त, कोषाध्यक्षमा बासु अधिकारी, सह–कोषाध्यक्षमा सिता घर्ती चयन हुनुभएको छ ।

१४ सदस्यिय कार्यसमिति चयन भयो भने महासचिब र २ जना सदस्य पछि मनोनयन हुने क्लबका नबनिर्बाचित अध्यक्ष शिव कार्कीले जानकारी दिनुभयो ।
क्लबको अध्यक्ष सुदिप अधिकारीको सभापतित्वमा सम्पन्न कार्यक्रममा क्लबका प्रथम संरक्षक तथा नेपाली सेनाका भु.पु. सेनानी बिष्णु बहादुर अधिकारीको प्रमुख आतिथ्यता रहेको थियो । कार्यक्रममा क्लबका महासचिब अनिल अधिकारीले प्रगति प्रतिबेदन साथै कोषाध्यक्ष अजय अधिकारीबाट आर्थिक प्रतिबेदन प्रस्तुत गरिएको थियो । उत्तम अधिकारी संयोजक साथै विशाल अधिकारी र नवीन अधिकारी सदस्य रहेको निर्बाचन समितिले निम्न कार्य समिति सर्बसम्मतिले चयन गर्न सफल भएको जनाएको छ ।