मुटुरोग सेवा बिस्तार गर्न गंगालाल र धादिङ अस्पतालबीच एक वर्षको सम्झौता

धादिङ, ११ चैत ।
मुटु रोगको सहज उपचारका लागि धादिङ अस्पतालले शहिद गंगालाल हृदयरोग केन्द्रबीच सेवा विस्तार गर्ने भएको छ ।
धादिङ अस्पतालले मुटुरोगको सेवालाई बिस्तार गर्न गंगालाल हृदयरोग केन्द्रसंग औपचारिक सम्झौता गरेका हो ।
अस्पतालका अध्यक्ष राजाराम रिजालले मुटु रोगको लागि उपचार गर्न राजधानी जानुपर्ने बाध्यतालाई हटाउन महिनाको दुई पटक सेवा दिनेगरी सेवा बिस्तार गर्न लागिएको बताउनुभयो ।
अस्पतालका अध्यक्ष रिजालले मुटु रोगको उपचार सेवा बैशाखबाट जिल्लामै महिनामा दुई पटक दिनेगरि एकवर्षको सम्झौता भएको समेत जानाकारी दिनुभयो । मुटु रोग उपचारका लागि गंगालाल हृदय रोग केन्द्र देशकै विश्वासिलो अस्पतालको रुपमा लिइन्छ ।