धादिङ जिल्ला उसु संघको अध्यक्षमा निराजु लामा सर्वसम्मत चयन

धादिङ,२९ फागुन
धादिङ जिल्ला उसु संघको प्रथम अधिवेशन तथा सम्मेलन सम्पन्न भएको छ। प्रथम अधिवेशनले निराजु लामाको अध्यक्षतामा ११ सदस्यी कार्यसमिति सर्वसम्मत चयन गरेको हो ।कार्यसमितिको वरिष्ठ उपाध्यक्षमा शिव बहादुर तामाङ, उपाध्यक्षमा सानुकान्छा लामा, सविचमा हरि तामाङ र कोषाध्यक्षमा सुयक्ष विक्रम राणा चयन हुनुभएको छ ।

त्यसैगरी सदस्यहरुमा लोके लामा, सुरज गुरुङ, लक्ष्मण लामा, भविष्य गुरुङ, अनु तामाङ र श्रीजना तामाङ सर्वसम्मत रुपमा चयन हुनुभएको छ ।धादिङ जिल्ला खेलकुद विकास समिति धादिङको अध्यक्ष प्रताप सिं तामाङले उसु संघका नवनिर्वाचितहरुलाई अबको दिनमा गर्ने काम कर्तव्य र उसु खेलको लागि कस्तो योगदान दिन सकिन्छ त्यसमा ध्यान केन्द्रित गर्न आग्रह गर्नुभएको छ ।उहाँले उसु खेलाडीलाई कसरी माथि उकास्ने, खेलाडीको मर्म भावनालाई बुझेर अगाडी बढेर जान आग्रह गर्दै आफू सधैं उसु संघको लागि सहयोग गर्न तयार रहेको प्रतिबद्धता व्यक्त गर्नुभएको छ।

धादिङ जिल्ला खेलकुद विकास समिति धादिङको अध्यक्ष प्रताप सिं तामाङको प्रमुख आतिथ्यतामा भएको अधिवेसनमा उसु संघको केन्द्रिय सदस्य जंग बहादुर तामाङ, बागमती प्रदेश खेलकुद परिसद्को सदस्य अमृत तामाङ, नेपाल तेक्वान्दो संघ धादिङका अध्यक्ष प्रदिप गिरी, कबड्डी धादिङका अध्यक्ष रत्नेश यादव, थाक्रे गाउँपालिका वडा नं.३ का वडाअध्यक्ष विजय तामाङको उपस्थिति रहेको थियो ।