त्रिपुरासुन्दरी माविको ४७ औं बार्षिक उत्सव तथा अभिभावक भेला सम्पन्न

धादिङ । त्रिपुरासुन्दरी माविको ४७ औ बार्षिक उत्सव तथा अभिभावक भेला सम्पन्न गरेको छ । शुक्रबार बिद्यालय ब्यवस्थापन समितिको अध्यक्ष राजकुमार शाहको अध्यक्षता तथा बागमती प्रदेशका आन्तरिक मामिला तथा कानुन मन्त्रि गंगानारायण श्रेष्ठको प्रमुख आतिथ्यता कार्यक्रम सम्पन्न भएको हो ।

कार्यक्रममा सविधान सभा सदस्य पुष्पबिक्रम मल्ल, नेकपा माओवादी केन्द्रका केन्द्रिय सदस्य राम बहादुर भण्डारी, गाउपालिका उपाध्यक्ष देवराज धरेल, नेपाली काग्रेसका नेता बासु तिमल्सिना,नेपाल रेडक्रस सोसाईटी धादिङका निवर्तमान सभापती नारायण प्रसाद तिमल्सिना लगाएतको आतिथ्यता रहेको थियो ।
कार्यक्रमलाई सम्बोधन गर्नुहुदै बागमती प्रदेशका आन्तरिक तथा कानुन मन्त्रि गंगानारायण श्रेष्ठले राजनितिक स्थिरता नरहे सम्म बिकास र सम्बृद्धि सम्भव नभएको बताउनु भएको छ ।

संघिय प्रणाली बिना यो देश अगाडी बढ्न नसक्ने भन्दै उहाँले नेपाली जनताले खोजेको समान अधिकार समान पहुँच,सम्बृद्धि र बिकासका निम्ती आफुहरु हरदम लागीरहेको बताउनुभएको छ । मन्त्रि श्रेष्ठले परक प्रसङगमा अहिले संघिय लोकतान्त्रिक गणतन्त्रमाक ब्यवस्था थरापमा परेको समेत बताउनु भएको छ । उहाँले अहिले कतिपय राजनितिक दलहरुले यो ब्यवस्था अन्त्य गर्नु पर्छ भनेर ब्यवस्थाको बिरुद्धमा माहोल तयार गर्दै हिडिरहेकोले यो प्रणाली तथा ब्यवस्था खलबल्याउन खोज्ने बिरुद्ध खवरदारी गर्न जरुरी रहेको बताउनु भएको छ ।

उहाँले नेपाली जनताले चिहानमा लगेर सेलाईसकेको राज्य ब्यवस्था, ति राज्य ब्यवस्थाका संचालकहरुलाई पुन आउन नसक्ने धारणा ब्यक्त गर्नु भएको छ । कार्यक्रमको सम्बोधन कै क्रममा मन्त्रि श्रेष्ठले धादिङको बिकासलाई आफुले नजिक बाट हेरिरहेको भन्दै धादिङमा शुशासन,बिकास र सम्बृद्धिको लागी आफु प्रतिबद्ध रहेको समेत ब्यक्तगर्नु भयो ।

बार्षिक उत्सवको अवसरमा बिद्यालयले राष्ट्रिय तथा स्थानिय कलाकारको सांस्कृतिक कार्यक्रम सहित बिभिन्न बिधामा सम्मान समेत गरेको थियो ।