छोरी तिम्रो पर्खाइमा

कृष्णराज अधिकारी

अँधेरीमा जून बनि आऊ छोरी तिमी
उजेलीमा घाम बनि आऊ छोरी तिमी ।
पँधेरीको पानी बनि आऊ छोरी तिमी
घरको दिव्य ज्योती बनि आऊ छोरी तिमी ।।

तिमी जस्ति शिक्षित छोरी साथ पाएँ भने
हाम्रो विचार तिम्रो विचार मिल्दै गयो भने ।
तिमीलाई अझ धेरै शिक्षा दिलाउने छौं
कूलकी रानी हाम्री नानी बनाई चिनाउनेछौं ।।

तिमीलाई कति दिन पर्खि हामी बस्ने
तिम्रो अभाव भयो सधैं आएन दिन हाँस्ने ।
खाना खाँदा थाली भरी पर्छ तिम्रै छायाँ
आमा बाबा बनि हामी गछौं धेरै मायाँ ।।

कमी केही छैन छोरी तिमी भए पुग्छ
संस्कारी चेली बनि मायाँ दिए पुग्छ
धन दौलत सबै तिम्रा साँची राखेका छौं ।
छोरी तिम्रो पखाईमा हामी बसेका छौं
छोरी तिम्रो पखाईमा हामी बसेका छौं ।।