नीलकण्ठ- नगर

बद्री प्रसाद दाहाल

धादिङ्गको सुन्दर राजधानी
भन्छन्अरूङ् थोपल८जाग नानी।
हजार नब्बे कुसुमै फुलेका
रङ्गीन उद्यान बनी झुलेका ।।

छ उच्च शिक्षालय नीलकण्ठ
सीपी जिएच् क्याम्पस छन् प्रसिध्द ।
शताधिकै इस्कुल छन् सुरम्य
गुफा र गुम्बा कति तारतम्य ।।

बजार नौली दुहिता समान
गर्छिन् सबै आगतमा सुमान ।
श्रीकृष्णको मन्दिर नव्य सभ्य
साङ्कोसमा शङ्कर छन् सुभव्य ।।

छिन् भैरवी उज्ज्वल ती गणेश ।
छन् पञ्चकन्या अनि छन् महेश ।।
छन् सागसब्जी, फलफूल नाना ।
पाखा र बेँसी गहुँ झुल्छ धान ।।

डाँडा वनेली हरिया छ फाँट
दिन्छिन् सधैँ जाँगर जोस आँट।
यै मृत्तिका प्राणसमान ठानी
बस्छौँ सबै धादिङ– राजधानी ।।