मार्पाक प्रिमियर लिगको सातौ सस्करण फ्रेन्ड्स स्टार फुटसल, काठमाण्डौमा हुँदै

धादिङ,२२ माघ 
काठमाण्डौ मार्पाक प्रिमियर लिग (MPL) फुटसल प्रतियोगिताको सातौ सस्करण फ्रेन्ड्स स्टार फुटसल भत्केपुल,काठमाण्डौमा हुने भएको छ ।नेत्रावति डबजोङ्ग गाउपालिका, धादिङ्गका चिरपरिचित समाजसेवी साथै युवाहरुको प्रिय राजराम रिजालले मुख्य प्रायोजन गर्नुहुने भएपछि लिगको सातौ सस्करणको मिति तय गरि सम्पुर्ण तयारी समेत पूरा गरिएको लिगका मुख्य संयोजक फणिन्द्र गुरुङ्गले जानकारी दिनुभयो।

धादिङ्ग जिल्लाको नेत्रावती डबजोङ्ग गाउपालिका, साबिक मार्पाक गाा.बि.स.को नामबाट काठमाण्डौमा संचालन भईरहेको मार्पाक प्रिमियर लिग(MPL) फुटसल प्रतियोगिताको सातौ सस्करण आगामी माघ २८ गते शनिबार गर्न सम्पुर्ण तयारी पूरा भएको लिग ब्यबस्थापक ईन्द्र गुरुङ्गले जानकारी दिनुभयो ।

मार्पाक सामुदायिक क्लब(CCM) सह(आयोजक रहेको यस लिगको नेत्रावती डबजोङ्ग गाउपालिकाले सहकार्य गरेको छ भने लिगको मुख्य प्रायोजन युवा समाजसेवी राजाराम रिजालले गर्नुभएको आयोजकले जनाएको छ।

(MPL) लिगको बिजेता टिमले नगद, ट्रफि र मेडल प्राप्त गर्नेछ भने उपबिजेता र तृतिय हुने टिमले नगद प्राप्त गर्नेछ साथै लिगको उत्कृष्ट फरवार्ड, डिफेन्स र गोलकिपरले समेत आकर्षक गिफ्ट प्राप्त गर्नेछ ।प्रायोजक तथा सह(प्रायोजक भेटिएको खण्डमा मार्पाक प्रमियर लिग(MPL) हरेक महिना गरिने र लिगलाई गाउपालिका स्तरमा बिस्तार गरिने लक्ष्य रहेको लिग संयोजक फणिन्द्र गुरुङ्गले जानकारी दिनुभयो ।