जन्मदिनको अवसरमा शितल छहारीमा खाद्यान्न तथा सामग्री सहयोग

धादिङ ११ माघ
दार्खाली पौडेल परिवारका जेष्ठ सदस्य तथा शितल छहारी नेपालका संरक्षक गुप्त बहादुर पौडेलको ८६ औँ जन्म दिनको अवसरमा खाद्यान्न तथा सामग्री हस्तान्तरण गरेको छ ।
गुप्त बहादुर पौडेलको जन्मदिनको अवसर पारेर आमाको माया छात्रवास खाद्यान्न तथा सामग्री कुर्ची कारपेट, माप्ट, चामल दाल, चिनि चियापति लगायतका खाद्यान्न तथा सामग्री वितारण गरेको हो ।
आमाको माया छात्रवासमा रहेका २८ जना छात्रहरुलाई उक्त सामाग्री वितरण गरिएको थियो । यसैगरी जन्मदिनको अवसर पारेर हिन्दु परम्परा अनुसार अष्ठ चिरमजिवी पुजापाठ पनि गरिएको थियो । पुरोहित दामोदर कोइरालाद्धारा उक्त पुजापाट सम्पन्न भएको हो ।

उक्त आमाको माया छात्रवासका संरक्षक नविन बन्धु पाहाडीले जन्म दिनको मंगलमय प्रथाना गराई गुप्त बहादुर पौडेल र पौडेल परिवारलाई धन्यवाद दिदै सामाजिक काममा निरन्तर लाग्न आग्रह गर्नुभएको कृष्णबद्री पौडेलले जानकारी दिनुभयो ।
उक्त कार्यक्रममा गुप्त बहादुर पौडेलका श्रीमती दुर्गा कुमारी पौडेल, छोरा बुहारी ,नाती नातीनीहरुको सहभागिता रहेको थियो ।