गल्छीबाट चरेस सहित एक जना पक्राउ

धादिङ ११ माघ
धादिङको गल्छी गाउँपालिका– ८ सुत्केरीढुंगाबाट ३४ किलो ५ सय ग्राम चरेशसहित एक जनालाई प्रहरीले पक्राउ गरेको छ ।
धादिङ गजुरी गाउँपालिका वडा नम्बर ८ किरानचोकका ३२ वर्षीय बिर बहादुर तामाङलाई गएराती चरेससहित प्रहरीले पक्राउ गरेको हो ।
गोप्य सूचनाको आधारमा लागू औषध ब्यूरो कोटेश्वरबाट आएको प्रहरी टोलीले लुकाएर राखेको ठाउँमा चरेस फेला पारेको जिल्ला प्रहरी कार्यालय धादिङका प्रहरी नायव उपरीक्षक श्याम बहादुर खत्रीले बताउनुभयो । पक्राउमा परेका तामाङलाई इलाका प्रहरी कार्यालय गजुरीमा अनुसन्धान भइरहेको छ ।