धादिङमा मतपेटिका संकलन कार्य जारी,मतगणना भोली देखी

धादिङ ४ मंसिर। धादिङ जिल्लामा निर्वाचन सकिए सगै मतगणनाको लागी मतपेटिका संकलन कार्य जारी रहेको छ ।
धादिङ प्रतिनिधि सभा क्षेत्र न २ अन्तरर्गत उत्तरी क्षेत्र रुवीभ्याली देखि मतपत्र धादिङबेशी ल्याउन समय लाग्ने भएर मतगणना भोली शुरु हुने भएको हो ।

मतपेटिका संकलन कार्य सकिने बित्तिकै भोली सर्वदलिय बैठक बसी मतगणना सुरु हुने बताइएको छ । प्रतिनिधि सभा क्षेत्र न २ को धादिङबेशीमा र क्षेत्र न १ को गल्छी बैरेनीमा मतगणना हुने जिल्ला निर्वाचन कार्यालय धादिङले जनाएको छ । प्रतिनिधि सभा क्षेत्र न १ अन्तरर्गत धुनिबेशी नगरपालिका, थाक्रे, गल्छी, गजुरी,सिद्धलेक र बेनिघाट रोराङ गाउपालिकाको मतगणना बैरेनीमा हुने छ । त्यसै गरी क्षेत्र न २ अन्तरर्गत नीलकण्ठ नगरपालिका ज्वालामुखि,नेत्रावती,त्रिपुरासुन्दरी,गंगाजमुना,खनियाबास र रुवीभ्याली गाउपालिकाको मतपत्र धादिङबेशीमा मतगणना हुने भएको छ ।

मतगणना लाई छिटो र ब्यवस्थित तवरले संचालन गर्न सके सम्म धेरै ठाउँमा जनशक्ति परिचालन गरि मतगठना गर्न लागिएको जिल्ला निर्वाचन कार्यालय धादिङका प्रमुख सन्तोष कुमार श्रेष्ठले बताएका छन् ।