धादिङमा शान्तिपूर्ण तवरले सकियो निर्वाचन,५५.९५ प्रतिशत मत खस्यो

धादिङ ४ मंसिर। धादिङका सबै मतदानकेन्द्रमा शान्तिपूर्ण रुपमा मतदान कार्य सम्पन्न भएको छ । मुख्य निर्वाचन अधिकृत स्विकृति पराजुलीका अनुसार धादिङमा ५५.९५ प्रतिशत मतदान भएको छ । मतदान सम्पन्न भएसँगै मतपेटिका संकलनको काम सुरु भएको धादिङका प्रमुख जिल्ला अधिकारी कृष्णप्रसाद लम्सालले जानकारी दिनुभयो ।
कुल २ लाख ६५ हजार ९ सय ६६ मतदाता रहेको धादिङ जिल्लामा १ लाख ४८ हजार ८ सय ३९ मतदान भएको छ । मतदान गर्नेमा ७० हजार १ सय ६३ महिला र ७८ हजार ६ सय ७६ पुरुष रहेका छन् ।