धादिङमा भू तथा जलाधार ब्यवस्थापन कार्यालय स्थापना

धादिङ २३,कात्तिक । धादिङ जिल्लामा भू तथा जलाधार ब्यवस्थापन कार्यालयको स्थापना भएको छ ।
मंगलबार वन तथा वातावरण मन्त्रालयका सचिव यज्ञनाथ दाहालले उद्घाटन गरे संगै भू तथा जलाधार ब्यवस्थापन कार्यालय धादिङ पुर्नस्थापित भएको हो ।

बागमती प्रदेश सरकारले धादिङ जिल्लामा भू तथा जलाधार ब्यवस्थापन कार्यालय स्थापना गर्ने भन्ने निर्णय बमोजिम साविककै भु संरक्षण कार्यालय भएको ठाउँमा कार्यालय स्थापना भएको छ । ६१ जिल्लामा भु संरक्षण कार्यालयको नाम बाट सेवा दिईरहेको कार्यालयले देशको पुनसंरचना भएपछि धादिङ बाट हटेको थियो । उक्त कार्यालय हाल भू तथा जलाधार ब्यवस्थापन कार्यालयको नाम बाट पुन धादिङ जिल्लामा स्थापना भएको हो ।

हाल वरिष्ठ जलाधार ब्यवस्थापन अधिकृतको रुपमा धादिङ जिल्लामा सिन्धुपाल्चोक बाट प्रदिप नारायण श्रेष्ठ आई सेवा सुचारु गर्नु भएको छ ।