हामीले जनताको आवाज सम्बोधन गर्नुपर्छ : खेम लोहनी

धादिङ २० कात्तिक । धादिङ क्षेत्र नं २ का नेकपा एमालेका प्रनिधिसभा सदस्य उम्मेदवार खेम लोहनीले नेकपा एमालेले जनताकोे आवाज सम्बोधन गर्नु पर्ने बताउनुभएको छ ।

धादिङ काठमाण्डौ सम्पर्क मञ्चद्वारा कलंकीमा कार्यकर्ता तथा मतदाताहरुलाई सम्बोधन गर्दै एमाले केन्द्रीय सदस्य समेत रहनुभएका उम्मेदवार लोहनीले एमालेले जित्यो भने मात्र नेपाल र नेपालीको हित हुने बताउनुभयो ।
देश जोगाउन एमालेले जित्नुपर्ने बताउँदै पार्टी भित्रको आन्तरिक विषयलाई पन्छाएर चुनावमा एक ढिक्का भएर लाग्न समेत आग्रह गर्नुभयो ।

धादिङ निर्वाचन क्षेत्र नम्बर २ मा राप्रपासंगको तालमेल गरेर अघि बढेको एमालेले संघीय निर्वाचन र प्रदेशसभा १ मा राप्रपाले एमालेलाई सघाउने छ भने धादिङ क्षेत्र नम्बर २ को प्रदेश सभा २ मा एमालेले राप्रपालाई सघाउने छ । हाल संयुक्त रुपमा मतदाता भेटघाट समेत गरिरहेको छ ।