जनताको पिरमर्का बुझ्ने एकमात्र पार्टी एमाले : लोहनी

धादिङ १८ कात्तिक । धादिङ क्षेत्र न २ का संघिय सांसदको उम्मेद्वार खेम प्रसाद लोहनीले नेकपा एमालेले मात्र जनताको पिरमर्का बुझेर काम गर्ने बताएका छन् । आज नेत्रावती डवजोङ गाउपालिकाको चौतारा लगाएत बिभिन्न स्थानमा  भएको मतदाता भेटभाटको क्रममा उम्मेद्वार लोहनीले सो कुरा बताउनु भएको हो ।

गठबन्धनको नाममा विपक्षीहरुले गाउँमा भ्रम छर्दै हिडेको भन्दै त्यस्तो भ्रमको विश्वास नगरी आगामी निर्वाचनमा नेकपा एमाले र राष्ट्रिय प्रजातन्त्र पार्टीका उम्मेदवारहरुलाई मतदान गर्न लोहनी आग्रह गरेका छन् । दिगो विकास र शान्ति तथा स्थानीय स्तरमै रोजगारीको व्यवस्था गर्ने क्रम शुरु भएको छ, यसलाई नेकपा एमाले नेतृत्वको सरकारले पुरा गर्ने उनको भनाई छ ।

त्यसैगरी सोही कार्यक्रममा प्रदेश सभा क्षेत्र नम्वर २ क का नेकपा एमालेका उम्मेदवार डा।रामकुमार अधिकारीले मतदातालाई सम्बोधन गर्दै जनताको मागको आधारमा विकासका काम गरेको उल्लेख गर्दै निरन्तर जनताका लागि लागि रहने प्रतिबद्धता ब्यक्त गर्नु भएको छ ।