मार्पाक प्रिमियर लिग फुटसल प्रतियोगिताको पाँचौ संस्करण काठमाण्डौमा हुंदै

धादिङ ६ कात्तिक । जिल्लाको साबिक मार्पाक गा.बि.स. स्तरिय फुटसल प्रतियोगिताको पाँचौ संस्करण भोली शनिबार काठमाण्डौमा हुने भएको छ ।
मार्पाक भेट्रान्स फुटसल टिमको ब्यबस्थापनमा काठमाण्डौको फ्रेन्डस स्टार फुटसल भत्केपुलमा “मार्पाक प्रिमियर लिग“ नामक फुटसल प्रतियोगिताको पाँचौ सस्करण भोली हुन लागेको हो ।

कार्तिक ०५ गते शनिबार बेलुका ४ बजे शुरु हुने लिग फुटसल प्रतियोगितामा साबिक मार्पाकका टिम मार्पाक, टिम भेट्रान्स, टिम थला, टिम सि.सि.एम., टिम भेट्रान्स द गरि जम्मा ५ टिमले सहभागिता जनाउने प्रतियोगिताका मुख्य संयोजक फणिन्द्र गुरुङ्गले जनाएको दिनुभएको छ ।
लिग च्याम्पियन हुने टिमले च्याम्पियन ट्रफी साथै नगद पुस्कार र मेडल प्राप्त गर्नेछ भने दिप्तिय र तृतिय हुने टिमलाई पनि नगद पुरस्कार प्रदान गरिने साथै उत्कृष्ठ फरवार्ड, गोलकिपर र डिफेन्सलाई समेत पुरस्कृत गरिने आयोजकले जनाएको छ ।

लिग फुटसल प्रतियोगिताको मुख्य संयोजन फणिन्द्र गुरुङ्गले र मुख्य ब्यबस्थापन काजिराम अधिकारीले गर्नुहुनेछ भने प्रतियोगिता संचालन समितिमा दूध बहादुर गुरुङ्ग, शिव कार्की र ईन्द्र गुरुङ्ग साथै ब्यबस्थापन समितिमा अदिप अधिकारी, मरिचमान गुरुङ् र जंग ब. गुरुङ्ग रहेको आयोजकले जनाएको छ ।

लिगको अनलाईन मिडिया पार्टनरमा भिजन न्युज नेपाल, बागमति खेल डटकम, धादिङ्ग पोष्ट डटकम र धादिङ्ग संचार रहेको छ भने र एफ.एम. पार्टनरमा निलकण्ठ एफ.एम. रहेको लिगका मुख्य संयोजक फणिन्द्र गुरुङ्गले जानकारी गराउनुभयो ।

शुभ दिपावलीको पावन अबसरमा काठमाण्डौमा लिग फुटसल प्रतियोगिता गराउनुको उदेश्य स्वास्थ्य, मनोरन्जन, लुकेर रहेका मार्पाकका प्रतिभाहरुको खोजी साथै आपसी मेलमिलाप र सद्भाव कायम राख्दै मार्पाकका युवाहरुबिच भेटघाट र एकता कायम गर्ने रहेको आयोजकले जनाएको छ ।