लेखा अधिकृत टिकाराम अधिकारी पुरस्कृत

धादिङ ३, असोज । संविधान दिवसको अवसर पारेर नेत्रावती डवजोङ गाउपालिकाले उत्कृष्ट कर्मचारीलाई पुरस्कृत गरेको छ ।
बागमती प्रदेशमा सवैभन्दा कम बेरुजु ल्याई नेत्रावती डवजोङ गाउपालिकालाई प्रथम बनाउन सफल भएकोमा बिशिष्ट योगदानको उच्च कदर गर्दै लेखा अधिकृत टिकाराम अधिकारीलाई सम्मान गरेको हो ।

आज नेत्रावती डवजोङ गाउपालिकाको कार्यालय सेमजोङमा गाउपालिकाका अध्यक्ष मेघनाथ रिजाल, प्रमुख प्रशासकिय अधिकृत हरेराम शाहले अधिकारीलाई दोसल्ला,प्रमाणपत्र र नगद १५,००० सहित सम्मान गर्नुभएको हो ।

सविधान दिवसकै अवसर पारेर नेत्रावती डवजोङ गाउपालिकाले अध्यक्षको पदभार ग्रहण पश्चातको पहिलो निर्णयलाई समेत कार्यान्वयनमा ल्याएको छ । गाउपालिकाका अध्यक्ष मेघनाथ रिजालले गाउपालिका ५ जना मृतक परिवारलाई रु १० हजारका दरले रकम हस्तान्तरण गर्नुभएको हो ।सविधान दिवसकै अवसर पारेर नेत्रावती डवजोङ गाउपालिकाले दिप प्रज्वलन समेत गरेको प्रमुख प्रशासकिय अधिकृत हरेराम शाहले बताउनु भयो ।