अखिल नेपाल खेलकुद महासंघ धादिङको अध्यक्षमा गणेश कुमार श्रेष्ठ

धादिङ १, असोज ।
अखिल नेपाल खेलकुद महासंघ धादिङको अध्यक्षमा गणेश कुमार श्रेष्ठ चयन भएका छन् । शनिबार सम्पन्न जिल्ला भेलाबाट ५५ सदस्यीय कार्यसमिति सहित श्रेष्ठ अध्यक्षमा सर्वसहमत चयन भएका हुन् ।
आज गठित समितिको उपाध्यक्षमा विदुर अर्याल र ओम बहादुर तामाङ, सचिवमा विनोद थापा मगर, सह–सचिवमा ज्ञानी लामा र कोषाध्यक्षमा राजन लामा चयन भएका छन् ।
भेलामा नेकपा माओवादी केन्द्रका केन्द्रीय सदस्य राम बहादुर भण्डारीको प्रमुख आतिथ्य, जिल्ला संयोजक मनराज भण्डारीको विशेष आतिथ्य रहेको थियो ।