धादिङमा १० बजे १० मिनेट अभियान शुरु

धादिङ १, असोज । स्वास्थ्य कार्यालय धादिङ र नीलकण्ठ नगरपालिकाको सयुक्त आयोजनामा आज बाट धादिङबेशीमा प्रत्येक शनिबार १० बजे १० मिनेट अभियान शुरु भएको छ
डेङगुले बिकराल रुप लिदै गईरहेको अवस्थालाई मध्यनजर गर्दै रोकथाम तथा नियन्त्रण गर्न सहयोग पुगोस भन्ने उदेश्यले उक्त अभियान शुरु गरिएको हो ।
अभियानको क्रममा आफ्नो घर वरपर प्रत्येक शनिवार १० बजे १० मिनेट समय मिलाएर सरसफाईमा केन्द्रित हुन जिल्ला बासी सवैलाई आग्रह गरिएको छ ।
अभियानमा एडिस नामको लामखुट्टेले फुल पार्ने ठाउँहरु भाँडाकुँडामा जम्मा भईराखेको पानी, टायर, बोतल र बिर्कोहरु लगायतको खोजी गरी त्यसका फुलहरु नष्ट गर्नुपर्ने, शरीर ढाक्ने लुगाहरु लगाउने, सुत्दा झुलको प्रयोग गर्नुपर्ने लगायतका सन्देश मुलक सचेतना कार्यक्रम गरिने बताईएको छ ।