ज्वालामुखीको अध्यक्षमा कांग्रेसका यमनाथ दनै र उपाध्यक्षमा समाजवादीका अर्याल विजयी

धादिङ, ०३जेठ ।
धादिङको ज्वालामुखी गाउँपालिकाको अध्यक्षमा गठबन्धनका साझा उम्मेदवार काँग्रेसका यमनाथ दनै विजयी भएका छन् ।

दनैले नेकपा एमालेका उम्मेदवार हरि राम लोहनीलाई २ हजार ५३५ को फराकिलो मतान्तरले पराजित गर्दै अध्यक्षमा बिजयी भएका हुन् । दनैले ८ हजार ३४ मत ल्याए भने उनकोको निकटतम प्रतिद्वन्दी लोहनीले ५ हजार ४९९ मत ल्याए ।

यस्तै उपाध्यक्षमा गठबन्धनका साझा उम्मेदवार एकीकृत समाजवादीका धर्म बहादुर अर्याल विजयी भएका छन् ।

अर्यालले नेकपा एमालेकी उम्मेदवार चन्द्र कुमारी अधिकारीलाई १६ सय ७४ मतान्तरले पराजित गर्दै बिजयी भएका हुन् । अर्यालले ६ हजार ४४५ मत ल्याउँदा उनका निकटतम प्रतिद्वन्दी अधिकारीले ४ हजार ७१ मत ल्याईन ।

यसैगरी ज्वालामुखी गाउँपालिका वडा नं १ मा कृष्ण गिरी(एमाले),वडा नं २ मा राजु लोप्पा(कांग्रेस), वडा नंं ३ मा उमेश श्रेष्ठ(कांग्रेस), वडा नं ४ मा कृष्ण बहादुर गुरुङ्ग(स्वतन्त्र), वडा नं ५ मा टंक प्रसाद काप्री(कांग्रेस), वडा नं ६ मा किशोर सेढाई(कांग्रेस) र वडा नं ७ मा कांग्रेसका ज्ञानेन्द्र प्रसाद खकुराल विजयी हुनुभएको छ ।