सालकको आखेटोपहार सहित धादिङ त्रिपुरासुन्दरीका बानियाँ पक्राउ

धादिङ,२३ फागुन।
काठमाडौं महानगरपालिका–१३ सोल्टीदोबाटोबाट संरक्षित वन्यजन्तु सालकको २ थान आखेटोपहार सहित एक जना पक्राउ परेका छन् ।

पक्राउ पर्नेमा धादिङको त्रिपुरासुन्दरी गाउँपालिका ३ का ४० वर्षिय गोपाल बानियाँ रहेका छन्।

सालकको आखेटोपहार १२ लाख रुपैयाँमा बिक्री बितरण गर्न खोजिरहेको भन्ने सूचनाको आधारमा महानगरीय प्रहरी वृत्त कालीमाटीबाट खटिएको प्रहरीले बानियाँलाई पक्राउ गरेको हो।

काठमाडौं तारकेश्वर नगरपालिका–१० नेपालटार बस्दै आएका बानियाँको साथबाट २ थान संरक्षित वन्यजन्तु सालकको आखेटापार जस्तो देखिने वस्तु र १ थान डिजिटल तराजु बरामद गरिएको प्रहरीले जनाएको छ ।