सक्रिय केश घट्दै :९१ जनामा संक्रमण पुष्टि हुँदा ३६२ संक्रमित डिस्चार्ज

धादिङ,२१ फागुन ।

नेपालमा दैनिक कोरोना सङ्क्रमणदर घट्दै गएको छ ।

देशभर ६ हजार २२० जनाको परीक्षण गर्दा ९१ नयाँ सङ्क्रमित थपिएका छन् भने ३ सय ६२ संक्रमित डिस्चार्ज भएका छन्। योसँगै देशभर सक्रिय संक्रमितको संख्या अब ६ हजार ९४७ बाँकी रहेको छ।

देशभरका प्रयोगशालाबाट आज २ हजार ६६२ जनाको पीसीआर गर्दा ६७ जना र ३ हजार ५५८ जनाको एन्टिजेन परिक्षणमा २४ गरी ९१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।

शुक्रबार १२६ संक्रमित थपिएका थिए। यो सँगै देशभर संक्रमित हुनेको संख्या ११ लाख १६ हजार ६७९ पुगेको छ भने संक्रमित भई निको हुनेको सङ्ख्या ९ लाख ५८ हजार ५५५ पुगेको छ।

यस्तै पछिल्लो २४ घण्टामा संक्रमणका कारण कसैको पनि मृत्यु भएको छैन । हालसम्म मृत्यु हुनेको संख्या एघार हजार ९४५ पुगेको मन्त्रालयको तथ्याङ्कमा उल्लेख गरिएको छ।