महाशिवरात्रिको अवसरमा भोलि मंगलबार सिद्धलेकमा रक्तदान कार्यक्रम हुदै

धादिङ,१६ फागुन।
महाशिवरात्रिको अवसरमा भोलि मंगलबार सिद्धलेकमा रक्तदान कार्यक्रम हुने भएको छ ।

नेपाल रेडक्रस सोसाईटी नलाङ –उपशाखा धादिङको आयोजना तथा सिद्धलेक ढेवा डाँडा समाज नेपाल सिद्धलेक–२ पात्लेको सहआयोजनामा महाशिवरात्रिको अवसरमा सिद्धलेक २ स्थित ढेवाडाँडामा बृहत खुल्ला रक्तदान कार्यक्रम हुने भएको हो ।

नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग तथा सप्रेमी युवा क्लब सिद्धलेक २ को सहयोगमा मंगलबार बिहान १० बजेदेखी दिउँसो ४ बजेसम्म रक्तदान कार्यक्रम हुने आयोजकले जनाएको छ ।कार्यक्रममा सक्रिय सहभागिताका साथै रक्तदान गरी सहयोग गरिदिनहुन आयोजकले अपील समेत गरेको छ ।

सिद्धलेकको सिद्धबाबा मन्दिरमा शिवरात्रीको अवसरमा दोस्रो सिद्धलेक धार्मिक पर्यटन तथा साँस्कृतिक महोत्सव हुने भएको छ ।विविध सांस्कृतिक कार्यक्रम सहित दोस्रो सिद्धलेक धार्मिक पर्यटन तथा साँस्कृतिक महोत्सव गर्न लागिएको सिद्धलेक ढेवा डाँडा समाज नेपालका सल्लाहाकार अमृत गुरुङ(तिलक)ले जानकारी दिनुभयो।

कार्यक्रममा राष्ट्रिय स्तरका कलाकारहरु खेम सेन्चुरि, रविन लामिछाने, रिता रावत लगायत स्थानीय कलाकारहरुको साथमा गोधुलि साँस्कृतिक परिवारको विशेष प्रस्तुति रहने आयोजकले जानकारी दिएको छ।साथै खेलाडीहरुद्वारा रोडिज पनि प्रदर्शन गरिने कार्यक्रम तय भएको छ।