सिद्धलेक गाउँपालिकाको दशौ हिउँदे गाउँ सभा सम्पन्न

धादिङ, २१ माघ
धादिङको सिद्धलेक गाउँपालिकाको दशौ हिउँदे गाउँ सभा आज गाउँपालिकाको कार्यलय बुङचुङमा सम्पन्न भएको छ ।

सिद्धलेक गाउँपालिकाका अध्यक्ष प्रेमनाथ सिलवालको अध्यक्षतामा सम्पन्न भएको गाउँसभाले गाउपालिकाको आन्तरिक स्रोतबाट हुने योजनाहरु गाउँसभाको निर्णयअनुसार सम्पन्न गर्ने समेत निर्णय गरेको छ ।

कार्यक्रममा गाउँपालिकाका उपाध्यक्ष कमला शर्मा (अधिकारी)ले गाउँपालिकाले यस आर्थिक बर्षमा गरेका विकास योजनाहरुको प्रगति प्रतिबेदन प्रस्तुत गर्नुभएको थियो । गाउँ पालिकाको गाउँ सभाले पालिका भित्रको विकास निर्माणका अधुरा योजनाहरु यस आर्थिक बर्षमा पुरा गर्ने निर्णय भएको गाउँपालिकाका प्रमुख प्रशासकिय अधिकृत नन्द लाल शर्माले जानकारी दिनुभयो ।

गाउँपालिकाका गौरवका योजनाहरुलाई निरन्तरता दिने,सडक,खानेपानी,सिचाँई,कृषि,पर्यटन लगायतको क्षेत्रमा यस आर्थिक बर्षमा काम हुने शर्माले बताउनु भएको छ ।